Шагнал, урамшуулал

Монгол Улсад банкны салбар үүсэж хөгжсөний 95 жилийн ой тохиож буй энэ онд бид олон улсын нэр хүнд бүхий шагналыг хүртсээр байна. Бид Global Finance сэтгүүлээс Монгол Улсын ШИЛДЭГ САБ-КАСТОДИАН БАНК шагналыг 2 дахь удаагаа дараалан хүртлээ.

Энэхүү шагналыг олгохдоо олон улсын үнэлгээний зарчмын дагуу үнэт цаасны зах зээлд тухайн банкны кастодиан үйлчилгээнд гаргасан амжилтууд, үйлчилгээний чанар, эрсдэлийн удирдлагын зөв менежмент болон харилцагчдын сэтгэл хангамжийн түвшинг тус тус үнэлэн шалгаруулдаг олон улсын нэр хүнд бүхий шагнал юм.

“ Visa Outstanding Debit Card Issuer”
Visa International компани жил бүр шилдэг Виза карт гаргадаг, чанартай үйлчилгээ үзүүлдэг, хамгийн их гүйлгээ хийдэг арилжааны банкуудыг тодрууллаа.

“Best Acquiring Business Growth of the Year (Mongolia)”
Төлбөрийн картын хамгийн өргөн сүлжээний нэг болох MasterCard Worldwide компани нь ХХБ-ыг Монголын зах зээл дээр MasterCard картыг төлбөрт хүлээн авах бизнест хамгийн их өсөлт гаргасныг нь өндрөөр үнэлэн шалгарууллаа.