Чанарын бодлого

ХАРИЛЦАГЧИД ҮЙЛЧЛЭХ ҮЙЛЧИЛГЭЭНИЙ БОДЛОГО

Худалдаа хөгжлийн банк нь Монгол улсын банкны үйлчилгээний кодексыг үйл ажиллагаандаа нийцүүлэн мөрдөн ажилладаг ба харилцагчид үйлчлэх үйлчилгээний бодлогыг хэрэгжүүлэхдээ дараах үндсэн зарчмыг баримтлан ажиллана.

1. Харилцагчийн нууцлал, аюулгүй, найдвартай байдлыг хангах;

2. Харилцагчид үйл ажиллагааны ерөнхий мэдээлэл, зөвлөгөөг өгч, ил тод байдлыг хангах;

3. Харилцагчийн тэгш оролцоог хангах;

4. Харилцагчтай харилцах, үйлчилгээ үзүүлэх ажилтан хувийн ашиг сонирхлоо харилцагчийн ашиг сонирхлоос дээгүүр тавихгүй байх;

5. Хууль тогтоомжид заасан шаардлага хангасан харилцагчид үйлчилгээ үзүүлэх.

    

   Харилцагчид үйлчлэх үйлчилгээнд дараах бодлогыг баримтлана. Үүнд:

1. Харилцагчийн хувьд

   Банканд бүртгэлтэй болон бүртгэлгүй харилцагч бүрд эрх тэгш хандаж, харилцагч бүрийн үндэс, угсаа, хэл, арьсны өнгө, нас, хүйс, нийгмийн гарал угсаа, хөрөнгө чинээ, хөгжлийн бэрхшээл, эрхэлсэн ажил, албан тушаал, шашин шүтлэг, үзэл бодол, боловсрол, гэр бүл, найз нөхдийн хэлхээ холбоо зэргээс үл хамааран тэгш хүртээмжтэй үйлчлэх;

2. Харилцагчийн санхүүгийн боловсролын хувьд

   Банкны ажилтан бүр харилцагчийн санхүүгийн боловсролыг нэмэгдүүлэхэд оролцоотой байж, аливаа санхүүгийн эрсдэлээс урьдчилан сэргийлэх боломжуудыг таниулж зөвлөгөө өгөх, үнэн зөв мэдээ, мэдээллээр харилцагчийг хангах;

3. Бүтээгдэхүүн үйлчилгээний хувьд

   Харилцагчийн зан төлөв, сегментийн онцлог, амьдралын мөчлөг, хэрэгцээ шаардлагад бүрэн нийцсэн, тогтвортой болон ногоон чиглэлийг дэмжсэн жендерийн мэдрэмжтэй бүтээгдэхүүн үйлчилгээг санал болгох, ашиглахад хялбар, ойлгомжтой байхаас гадна тэдгээрт хүрэх үнэ цэнийг тасралтгүй нэмэгдүүлэх зарчмыг баримтлах;

4. Бүтээгдэхүүн үйлчилгээг хүргэх сувгийн хувьд

   Харилцагчид бүтээгдэхүүн, үйлчилгээний мэдээлэл болон үйлчилгээг хүргэхдээ банкны боломжит сувгуудыг нээлттэй байлгахыг зорьж, харилцагчийн санал, хүсэлтийг бүхий л сувгуудаар нээлттэй хүлээн авч, эргэх холбоотой шуурхай шийдвэрлэх;

5. Харилцагчийн санал, хүсэлтийг нээлттэй хүлээн авах

   Харилцагчийн бүтээгдэхүүн, үйлчилгээ авч буй бүх төрлийн сувгийг аюулгүй байхад анхаарч, банкны бүх шатанд харилцагчийн мэдээллийн нууцлалыг дээд зэргээр хангах, аливаа харилцагчийн санал хүсэлт, гомдлыг банкны газар, хэлтэс, нэгжийн захирлууд нэн тэргүүнд хүлээн авч шийдвэрлэх, уг гомдлыг дахин гарахгүй байхад анхаарч ажиллах;

6. Үйлчилгээ үзүүлэх ажилтны хувьд

   Харилцагчид үйлчилгээ үзүүлж буй ажилтан бүр “Харилцагч төвтэй банк” болон “Ногоон банк болох” зорилгын хүрээнд үйлчилгээний соёл, стандартыг тогтмол хэрэгжүүлэгч, нүүр царай болохыг таниулах, бүтээгдэхүүн, үйлчилгээний зөвлөмж, мэдээллээр шуурхай хангах, харилцагчдад тогтвортой, ногоон санхүүжилтийн талаар ойлголт, тухайн төрлийн бүтээгдэхүүн, үйлчилгээний талаар мэдээллийг чанартай хүргэх чадварыг эзэмшүүлэхэд чиглэх;

7. Ногоон бүтээгдэхүүн, үйлчилгээний хувьд

   “Тогтвортой хөгжилд хамтдаа” уриан дор банкны бүтээгдэхүүн, үйлчилгээ болон харилцагчийн үйлчилгээ үзүүлэхтэй холбоотой бүхий л харилцаанд байгаль орчин, ногоон хөгжил, тогтвортой хөгжилд чиглэсэн байх;