Тэтгэврийн хадгаламж

Та Худалдаа хөгжлийн банкны салбарт биеэр ирэх боломжгүй мөн ТиДиБи Онлайнгүй тохиолдолд www.cardcentre.mn вебийн “Харилцагчаар бүртгүүлэх” цэсээр хандан шинээр ТиДиБи Онлайн үйлчилгээнд бүртгүүлэх боломжтой ба үүний дараа интернэт банкаараа хадгаламжийн дансаа нээх боломжтой.

Хэрэв та ТиДиБи Онлайнтай бол интернэт банкныхаа Данс цэсний Удирдах хэсэг рүү нэвтэрч хугацаагүй хадгаламжаа хугацаатай хадгаламж болгон сунгах боломжтой. Харин интернэт банкгүй тохиолдолд Худалдаа хөгжлийн банкны дурын салбар, тооцооны төвд хандан хадгаламжийнхаа хугацааг сунгуулаарай.

Хэрэв танд яаралтай мөнгөний хэрэгцээ гарсан тохиолдолд хадгаламжаа хугацаанаас нь өмнө цуцлах боломжтой ба энэ тохиолдолд хадгаламжийн хүүг гэрээнд заасны дагуу хугацаа цуцлалтын хүүгээр бодож олгоно. Хэрэв та хадгаламжаа хугацаанаас нь өмнө цуцлахаар шийдсэн бол Худалдаа хөгжлийн банкны дурын салбар, тооцооны төвд эсхүл 1800-1977 дугаарт хандаарай.

1. Хэрэв хадгаламжийн хугацааны туршид банкнаас нийтэд зарласан хадгаламжийн хүүнд өөрчлөлт оруулаагүй тохиолдолд хадгаламжийн эхний үлдэгдэл болон хугацааны туршид орж ирсэн орлогын хувьд хүүг анх гэрээнд зааснаар тооцож олгоно.

2. Харин хадгаламжийн хугацааны дундуур банкнаас нийтэд зарласан хадгаламжийн хүүнд өөрчлөлт оруулсан тохиолдолд эхний үлдэгдлийн хувьд хүүг анх гэрээнд заасан хүүгээр, хугацааны туршид орж ирсэн орлогын хувьд орлого орох үед хүчин төгөлдөр мөрдөгдөж буй хүүгээр тус тус тооцож хадгаламжийн хүүг олгоно. Жишээ нь: Банкнаас нийтэд зарласан хадгаламжийн хүү жилийн 10.5% байхад та 5 сая.₮-ийн дүн бүхий хадгаламж нээлгэсэн гэж үзье. Үүнээс 1 сарын дараа банк хадгаламжийн хүүгээ жилийн 11.0% болгон нэмэгдүүлжээ. Хадгаламжийн хүү нэмэгдсэний дараа та дансандаа ахин 5 сая.₮ нэмж хийсэн. Энэ тохиолдолд таны анх байршуулсан 5 сая.₮-д банк жилийн 10.5%-р тооцож хүү олгох ба харин хугацааны дундуур нэмж байршуулсан 5 сая.₮-д банк жилийн 11.0%-р тооцож хүүг олгоно.