Худалдагч (бэлтгэн нийлүүлэгч) болон худалдан авагч нарын хооронд үүссэн авлагын банк (факторингийн үйлчилгээ үзүүлэгч) шилжүүлэн авч, богино хугацааны санхүүжилт олгох үйлчилгээ юм.

Тээврийн санхүүжилтийн зээлийн эрх нь Импортлогч, гадаад худалдаа эрхлэгч байгууллагад зориулсан, түүний гадаадаас бараа, бүтээгдэхүүн татан авалтын Тээвэрлэлтийн төлбөр болон Гаалийн төлбөрийг санхүүжүүлэх зорилготой бүтээгдэхүүн юм. Өөрөөр хэлбэл Тээвэр зуучлагч компани, Гаалийн байгууллагууд болон Импортлогч байгууллагын хоорондын төлбөр, тооцоог санхүүжүүлнэ.

Худалдаа, хөгжлийн банк нь Олон улсын банк болох, Тогтвортой хөгжлийн зорилгыг хэрэгжүүлэх, Ногоон банк болох гэсэн стратеги зорилтуудын хүрээнд эрхэм харилцагч нарынхаа урт удаан хугацааны тогтвортой үйл ажиллагаа болон ногоон бизнесийг дэмжих зорилго бүхий “Бизнесийн ногоон зээл”-ийн бүтээгдэхүүнийг хамгийн тааламжтай нөхцөлтэйгөөр (хүү шимтгэл багатай, хугацаа урттайгаар) санал болгож байна.

Харилцагчийн хэрэгцээнд нийцсэн богино хугацаатай, үл хөдлөх барьцаа хөрөнгө шаардахгүй, түргэн шуурхай олгогдох зээлийг тухайн компанийн экспортын аккредитивын төлбөрийг барьцаалан олгох боломжтой зээл юм.

Аккредитив нь худалдагч, худалдан авагчийн хоорондох ашиг сонирхлын зөрчлийг зохицуулж, төлбөрийн болон бараа нийлүүлэгдэхгүй байх эрсдлийг бууруулах зорилгоор ашиглагддаг төлбөрийн хэрэгсэл юм.