Азийн банк, санхүү болон хөрөнгө оруулагчдын тэргүүлэх сэтгүүл болох “FinanceAsia” нь 20-н жилийн ойн баярын хүрээндээ Platinum Awards буюу санхүүгийн салбарын шилдгүүдийг шалгаруулах ёслолын арга хэмжээ 2016 оны 10-р сарын 13-ны өдөр Хонгконг хотноо зохион байгууллагдаж Худалдаа, хөгжлийн банк зах зээлдээ тэргүүлэгчээр өргөмжлөгдөн “Монгол Улсын Шилдэг Банк” шагналыг хүртлээ. Энэхүү шагналын эздийг тодруулахдаа сүүлийн 20-н жилийн санхүүгийн үзүүлэлтүүдийг үндэслэсэн байна.

Худалдаа, хөгжлийн банк (ХХБанк) нь 2016 оны 9 дүгээр сарын 7-ны өдөр Сингапур хотноо зохиогдсон GTR Asia Trade and Treasury Week 2016 арга хэмжээний үеэр Азийн хөгжлийн банкны худалдааны санхүүжилтийг дэмжих хөтөлбөрийн шилдэг банкаар шалгарч, “Leading Partner bank in Mongolia" буюу “Монгол дахь тэргүүлэх хамтрагч банк” шагналыг гардан авлаа.

Их Британийн “Global banking & finance review” буюу “Олон улсын банк санхүүгийн тойм” байгууллагаас жил бүр шалгаруулдаг дэлхийн банк, санхүүгийн салбарын шилдгүүд тодорч, Худалдаа, хөгжлийн банк 2016 оны “Монгол улсын шилдэг арилжааны банк”-аар 5 дахь жилдээ дахин шалгарлаа.  

Азийн санхүүгийн мэдээллийг мэргэжлийн түвшинд дэлхий даяар түгээдэг Finance Asia сэтгүүлээс Худалдаа, хөгжлийн банкны 2015 онд олон улсын зах зээлд арилжаалсан дунд хугацаат 500 сая ам.долларын бондыг “Азийн шилдэг корпорацийн бонд”-оор шалгарууллаа.

Азийн банк санхүүгийн салбарын шилдгүүдийг өргөмжилдөг “Euromoney Awards for Excellence Asia 2015” шагнал гардуулах ёслолын үйл ажиллагаа 24 дэх жилдээ зохион байгуулагдлаа.

Дэлхийн эдийн засгийн форумаас зохион байгуулдаг “Зуны Давос” нэрээр алдаршсан “Шинэ манлайлагчдын чуулга уулзалт” БНХАУ-ын Далиан хотноо 9-р сарын 9-нөөс 11-ний өдрүүдэд зохион байгуулагдаж, 90 гаруй орны төр засаг, бизнес, хэвлэл мэдээллийн 1500 гаруй төлөөлөгчид, 160 салбар хуралдаанаар инноваци, шинжлэх ухаан болон технологиийн хөгжил түүний эдийн засгийн өсөлтөд үзүүлэх нөлөөлөл, тулгарч буй асуудлууд, даван туулах шийдлийн талаар хэлэлцлээ.

Дэлхий дахинд үнэлэгдсэн томоохон шагналууд үргэлжилсээр Худалдаа, хөгжлийн банк “Монгол улсын худалдааны санхүүжилтийн шилдэг банк”-аар 5 дахь жилдээ шалгарч, 2015 оны 9-р сарын 9-ний өдөр шагналаа гардан авлаа.

Их Британийн “Global banking & finance review awards” нь 2012 оноос эхлэн Монгол улсын Худалдаа, хөгжлийн банкинд “Монгол улсын шилдэг арилжааны банк” шагналыг 4 дэх жилдээ гардууллаа.Энэхүү шалгаруулалт нь дэлхийн арилжааны банкуудын үйл ажиллагаанд тогтмол судалгаа шинжилгээ хийж, шилдэгүүдийг нэрлэдэг нэр хүнд бүхий шалгаруулалт юм. 

Монголдоо төдийгүй дэлхийд амжилтаараа үнэлэгдэж буй Худалдаа, хөгжлийн банкны  харилцагчид, хамтран ажиллагсад Та бүхэндээ талархал илэрхийлье.

Азийн хөгжлийн банкнаас ХХБ-ыг “Монгол дахь тэргүүлэх хамтрагч банк”-аар тодрууллаа. Уг шагнал нь хамтран ажилласан 5 жилийн хугацаан дахь олон төсөл хөтөлбөрийн үр дүн болоод манай банкны Монгол улсын гадаад худалдааг нэмэгдүүлэхэд оруулсан хувь нэмрийг үнэлж буй хэрэг билээ.

Монгол улсын худалдааны санхүүжилтийн зах зээлийн 55.6 хувийг дангаараа эзэлж буй энэхүү салбарт хамгийн том байр суурийг эзэлдэг Худалдаа, хөгжлийн банкинд олон улсын томоохон байгууллагууд нэр хүндтэй шагналуудаа олгосоор байна.

Энэхүү шагнал нь 7 тивийн 84 улс бүрээс шилдэг банкуудыг шалгаруулан, худалдааны санхүүжилтийн зүй зохистой, хүртээмжтэй байдал, гүйлгээний хэмжээ, дэлхийн түвшинд хамрах цар хүрээ зэрэг олон үзүүлэлтийг үнэлдэг нэр хүндтэй шагнал юм.