Skip to main content

Дансны нэгдсэн дугаарлалт буюу IBAN стандартад шилжлээ.

3 April 2025
Facebook logo
X logo

Монгол улсад үйл ажиллагаа эрхэлж буй бүх арилжааны банкууд, төрийн болон хувийн хэвшлийн санхүүгийн байгууллагууд олон улсын жишгийн дагуу 2025.04.01-ний өдрөөс эхлэн дансны нэгдсэн дугаарлалт буюу IBAN стандартад амжилттай шилжлээ. Ингэснээр харилцагч та бүхэн банк хоорондын гүйлгээ хийхдээ зөвхөн  IBAN дансны дугаараар хийх шаардлагатайг анхаарна уу.

Харин ХХБ-ны данс хооронд хийгдэх гүйлгээнд IBAN дансны дугаар ашиглах шаардлагагүй юм.

IBAN (International Bank Account Number) гэдэг нь банк хоорондын болон олон улсын төлбөр тооцоонд ашиглах боломжтой 20 орон бүхий ISO13616-1,2 стандартаар үүсгэсэн харилцагчийн дансны дугаар юм. 

IBAN дансны дугаар ашиглах давуу тал:

  • Дансны дугаар зөв эсэхийг хялбар шалгах боломжтой.

  • Аль банкны данс гэдгийг шууд тодорхойлох боломжтой.

  • Данс буруу шалтгаантай гүйлгээний буцаалт багасна.

Иймд харилцагч та бүхэн зохицуулагч байгууллагаас тавьж буй олон улсын стандарт шаардлагын дагуу банк хоорондын гүйлгээг зөвхөн IBAN дансны дугаараар хийхийг зөвлөж байна.

Харилцагч та өөрийн ХХБ-н дахь IBAN дансны дугаараа дараах сувгуудаар лавлана уу. Үүнд: 

  1. ТиДиБи Онлайн интернэт банк: Нүүр хуудас болон данс цэс хэсгээс ХХБ-н дахь өөрийн IBAN дансны дугаарыг лавлах боломжтой.

  1. Банкны вэбсайт: https://www.tdbm.mn/mn/iban-lavlagaa линкээр хандан ХХБ-н дахь болон бусад арилжааны банкууд дахь IBAN дансны дугаарыг лавлах боломжтой. 

IBAN дансны орлох дугаар: Харилцагч та IBAN дансны дугаараа өөрийн утасны дугаар, и-мэйл хаяг гэх мэт дахин давтагдашгүй мэдээллээсээ сонгон “Дансны нэгдсэн сан”-д орлуулан бүртгүүлж банк хооронд хялбараар гүйлгээ илгээх, хүлээн авах боломжтой. 

Харилцагч та өөрийн ХХБ-н дахь IBAN дансны Орлох дугаарыг дараах байдлаар бүртгүүлнэ үү. 

  1. “ТиДиБи онлайн” интернэт банк (апп хувилбар): Нүүр хуудас болон ДАНС цэс хэсгийн баруун дээд буланд байрлах сум дээр дарж, ДНС-д бүртгэх хэсгээр дансаа сонгон, гар утасны дугаар эсвэл имэйлээ сонгож хадгална.
  2. “ТиДиБи онлайн” интернэт банк (вэб хувилбар): ДАНС цэсний ДАНСНЫ НЭГДСЭН САН  хэсэгт нэвтэрч, Бүртгүүлэх хэсгээр дансаа сонгон, гар утасны дугаар эсвэл имэйлээ сонгож хадгална. 

Харилцагч та ХХБ-нд бүртгүүлсэн Орлох дугаараа дараах байдлаар лавлана уу.

  1. “ТиДиБи онлайн” интернэт банк (апп хувилбар): Нүүр хуудас болон ДАНС цэс хэсгээс ДАНС сонгож, ДАНСНЫ ДЭЛГЭРЭНГҮЙ хэсгийн мэдээлэлд ОРЛОХ ДУГААР харагдана.

  2. “ТиДиБи онлайн” интернэт банк (вэб хувилбар): ДАНС цэс хэсгээс ДАНСНЫ НЭГДСЭН САН  хэсэгт нэвтэрч, Орлох дугаарын данс/бүртгэл харагдана.

Хөгжил дэвшилд хамтдаа – Худалдаа хөгжлийн банк