Д.ОТГОНБИЛЭГ
ТУЗ-ийн гишүүн
Хатагтай Д.Отгонбилэг нь ХХБ-ны ТУЗ-ийн гишүүн, ТУЗ-ийн дэргэдэх Аудитын хорооны гишүүнээр ажиллаж байна.
Тэрээр 1997-1999 онд Сэргээн босголтын банканд эдийн засагч, 1999-2001 онд Хадгаламж банканд нягтлан бодогч, хянан шалгагч, 2001-2005 онд Интербанканд ахлах ажилтан, 2005-2007 онд Улаанбаатар хотын банканд ахлах ажилтан, газрын захирал, 2007-2021 онд Худалдаа, хөгжлийн банканд газрын захирал, гүйцэтгэх захирлын орлогчоор тус тус ажиллаж байсан ба 2021 оноос одоог хүртэл МИК ОССК ХХК-д дэд захирлаар ажиллаж байна.
Д.Отгонбилэг нь Монгол Улсын Их Сургуулийн Эдийн засгийн сургуульд үйлдвэрлэлийн эдийн засаг, удирдлагын бакалавр болон бизнесийн удирдлагын магистрын зэрэг тус тус хамгаалсан бөгөөд банк санхүүгийн салбарт 26 гаруй жил ажилласан туршлагатай.
Түүнчлэн Хатагтай Д.Отгонбилэг нь тогтвортой санхүүжилт, БОНЗ-ын бодлого, эрсдэлийн чиглэлээр арвин туршлагатай ба ТУЗ-өөс тогтвортой хөгжлийн чиглэлээр оновчтой шийдвэр гаргах, банкны цаашдын төлөвлөгөөнд санал зөвлөмж хүргүүлэх, банкны холбогдох нэгжүүдтэй хамтран ажиллах зэргээр тогтвортой хөгжлийн үйл ажиллагааг чухалчлан авч үздэг билээ.
Тэрээр 2012 онд Нидерландын хөгжлийн банк (FMO)-тай хамтран байгаль орчин, нийгмийн хариуцлагын бодлого, зээлдэгчийн байгаль орчин, нийгмийн эрсдэлийн түвшнийг үнэлэх үнэлгээний сүүлийн үеийн арга аргачлал, эрсдэл ба хяналтын тогтолцооноос бүрдсэн “Байгаль орчин, нийгмийн хариуцлагын эрсдэлийн менежментийн систем” (БОНХМС) Монгол Улсад анхлан нэвтрүүлэхэд чухал үүрэг гүйцэтгэн ажилласан, 2012 оноос Монгол Улсын Тогтвортой Санхүүгийн (ТоС) Холбоог байгуулах ажилд идэвхтэй оролцож, тус холбооны Удирдах Зөвлөлийн Даргаар ажиллаж байсан туршлагатай, мөн 2020 онд Худалдаа, хөгжлийн банк нь Уур Амьсгалын Ногоон Сангийн Монгол Улс дахь итгэмжлэгдсэн байгууллага болсон ба тус ажлыг удирдан гүйцэтгэж байсан зэрэг Худалдаа, хөгжлийн банканд тогтвортой санхүүжилт, БОНЗ-ын бодлого, эрсдэлийн үйл ажиллагааг нэвтрүүлэн, өргөжүүлэхэд чухал үүрэг гүйцэтгэж, том хувь нэмэр оруулсан билээ.
