Хүүхэд бүрийн хүсэн хүлээдэг шинэ жилийн баяраар Худалдаа, хөгжлийн банк сонсголын бэрхшээлтэй хүүхдүүд суралцдаг 29-р тусгай дунд сургуулийн сурагчдыг баярлуулдаг уламжлалтай болоод 15 жилийг ардаа үджээ. Энэ жил ч мөн адил тус сургуулийн шинэ жилийн баярт оролцон, инээд хөөр цалгисан нэг өдрийг хамтдаа өнгөрүүлж, 300 гаруй хүүхдэд баярын бэлгээ түгээлээ.
Энэ жил ХХБанк “Хязгааргүй мөрөөдөл” төслийнхөө хүрээнд Улсын хэмжээнд 300-н боловсролын байгууллагын номын санг байгуулах ажлыг хэрэгжүүлж байгаа юм. Тус сургуульд мөн шинээр номын сан тохижуулах, номоор баяжуулах төслөө хэрэгжүүлнэ гэдгийг ХХБанкны удирдлагууд дурдсан юм.
ХХБанк нийгмийн сайн сайхны төлөө чиглэсэн хандив тусламжийг тогтмол хэрэгжүүлсээр ирсэн билээ. Бид цаашид ч 29-р сургуулийн хүүхэд, багачуудад шаардлагатай тусламж дэмжлэгийг үзүүлсээр байх болно.
