• Төлбөр тооцоо тулгалт (Гар аргаар болон электрон байдлаар);
• Брокер, дилерийн компанитай арилжааны зөрүүг тулгах, шийдвэрлэх;
• Харилцагчийн даалгаврыг биелүүлэх (Данснаас мөнгөн хөрөнгө шилжүүлж авах, төлбөр тооцооны лимит тогтоох);
• ҮЦТТТХТ-тэй интэрфейсээр холбогдож үнэт цаасны үлдэгдэл тулгалт хийх;
• Төлбөр тооцоо гүйцэтгэгдсэн эсэх баталгаажуулалт хийх;
• Амжилтгүй болсон арилжааг харилцагчид мэдэгдэх, болзошгүй ханшийн алдагдлаас сэргийлэх;
• Төлбөр тооцоотой холбоотой мэдээллүүдээр хангах.

• Сангийн хөрөнгийн хүлээн авч хадгалах;
• ХОС-н хөрөнгөтэй холбоотой анхан шатны бүх баримт, үл хөдлөх хөрөнгөтэй холбоотой баримтын эх хувийг хүлээн авч хадгалах;
• ХОС-ийн нэгж эрхийн тухайлсан бүртгэлийг хөтлөх;
• ХОС-ийн хөрөнгийн захиран зарцуулалтад хяналт тавих;
• ХО-ын менежментийн компаниас гаргасан шийдвэрийг биелүүлэх;
• ХОС-ийн цэвэр активын үнэлгээг тооцох, хяналт тавих;
• ХОС-ийн гишүүн, ХО-ын менежментийн компанийг тайлан мэдээллэр хангах.

• Харилцагчийн үнэт цаасны дансны хуулга гаргах;
• Арилжааны болон компанийн мэдээг тогтмол хянах, харилцагчид мэдээллэх;
• Хувьцаа эзэмшигчдын хуралд төлөөлөн өгөх саналын болон эрхийн бичиг гаргахтай холбоотой мэдээллийг хүргэх;
• Бусад компанийн үйл ажиллагаатай холбоотой тайлан гаргах.

• Харилцагчийн валют арилжих даалгавар хүлээн авах, биелүүлэх;
• Арилжаа, компанийн үйл ажиллагаатай холбоотой эсвэл мөнгөн хөрөнгө шилжүүлэх зориулалттай данс зузаатгах;
• Олон төрлийн валютаар олон улсын гуйвуулга хийх;
• Хөрөнгө оруулалттай холбоотой гарсан зардал төлөх;
• Мөнгөн төлбөр тооцоотой хамааралтай тайлан гаргах.

• Үнэт цаасны төлбөр тооцооны тооцоолол;
• Эрсдэлийн удирдлага;
• Үнэт цаасны төвлөрсөн хадгаламж;
• Өмчлөх эрхийн бүртгэл;
• Зөвхөн гишүүнчлэлийн гэрээтэй зах зээлийн оролцогчид ҮЦТТТХТ дээр данс нээнэ. Тэдгээр оролцогчид хөрөнгө оруулагчдын үнэт цааыг хадгалах эрхтэй;
• Кастодиан банкууд болон БДК-уудийг үнэт цаасны захиалга болон хадгалалттай холбоотой програм хангамжаар (интэрфэйс) хангах.

Харилцагч Та Монголын хөрөнгийн биржийн үнэт цаасны арилжаанд оролцохын тулд манай банктай хамтран ажиллах гэрээ байгуулсан ҮЦК, Банк болон харилцагчийн хооронд “Харилцагчийн үнэт цаасны арилжааны төлбөр тооцооны дансны гэрээ”-г байгуулан үнэт цаасны төлбөр тооцоог гүйцэтгэхэд ашиглагдах мөнгөн хөрөнгийн дансыг нээлгэх шаардлагатай.

Нэмэлт шаардлага:

• Гадаадын иргэн, хуулийн этгээд хамтран эзэмших дундын данс нээлгэхдээ “Харилцагчийн нэмэлт мэдээллийн маягт” – ыг бөглөж ирүүлсэн байх.
• АНУ-ын иргэн бол W-9 маягт бөглүүлж авах.

ХУДАЛДАА, ХӨГЖЛИЙН БАНК НЬ ҮНЭТ ЦААСНЫ ТӨЛБӨР ТООЦООНЫ АНХНЫ КЛИРИНГ БАНКААР СОНГОГДЛОО

Монгол улсын Төрийн өмчийн хороо нь Лондонгийн хөрөнгийн биржтэй урт хугацааны стратегийн түншлэлийн гэрээ хийсний дагуу удирдлага, зохион байгуулалтын түвшинд хамтран хөрөнгийн зах зээлийн эрх зүйн таатай орчныг бүрдүүлэх, дэд бүтцийг сайжруулах, төлбөр тооцооны системийг дэлхийн стандартад хүргэхээр ажиллаж байгаа билээ.
 

Тус ажлын хүрээнд хөрөнгийн биржийн цогц "Миллениум Ай Ти" системийг нэвтрүүлэхтэй холбогдуулан үнэт цаасны төлбөр тооцоог "Т+3" горимд шилжүүлэх ажил явагдаж байгаа бөгөөд ингэснээр хөрөнгө оруулагчид төлбөрөө хийх илүү таатай, уян хатан нөхцөлөөр хангагдах юм. Мөн үнэт цаасны төлбөр тооцооны клирингийн үйлчилгээг арилжааны банкуудаар гүйцэтгүүлэхээр ажиллаж байгаа бөгөөд энэхүү ажлыг зах зээлд тэргүүлэгч Худалдаа, хөгжлийн банкаар эхэллээ.
 

Худалдаа, хөгжлийн банк нь үнэт цаасны мөнгөн хөрөнгийн төлбөр тооцоог гүйцэтгэх Анхны Клирингийн Банкаар сонгогдон Үнэт цаасны төлбөр тооцоо төвлөрсөн хадгаламжийн төв ХХК болон хөрөнгө оруулалтын банкны цогц үйлчилгээ үзүүлэгч, Худалдаа, хөгжлийн банкны 100 хувийн хөрөнгө оруулалтай охин компани болох Ти Ди Би Капитал ХХК -тай хамтран ажиллах энэхүү гурвалсан гэрээнд гарын үсэг зурсан юм. Энэхүү гэрээ нь үнэт цаасны төлбөр тооцоог банкаар дамжуулан гүйцэтгэснээр төлбөр тооцоо түргэн шуурхай, эрсдэлгүй, найдвартай болгох бөгөөд бусад арилжааны банкуудыг хөрөнгийн зах зээлд татан оролцуулах үндсийг тавьж буйгаараа онцлог ач холбогдолтой юм.
 

Дашрамд дурдахад Худалдаа, хөгжлийн банк болон Ти Ди Би Капитал ХХК нь Монголын эдийн засгийн өсөлтийн гол хөшүүргийн нэг болсон Монголын хөрөнгийн зах зээлийн хөгжилд өөрийн хувь нэмрээ оруулан, байнга дэмжсээр ирсэн билээ.

2015-07-23

ХУДАЛДАА, ХӨГЖЛИЙН БАНК БОЛОН "БИДИСЕК ҮЦК" ХК-ИУД ҮНЭТ ЦААСНЫ ТӨЛБӨР ТООЦОО ГҮЙЦЭТГЭХ ГЭРЭЭ БАЙГУУЛЛАА

Монгол Улсын санхүүгийн зах зээлд тэргүүлэгч Худалдаа, хөгжлийн банк болон хөрөнгийн зах зээлийн хамгийн том үнэт цаасны компани болох “БиДиСЕК ҮЦК” ХК /BDSec:MO/-иуд санхүүгийн зах зээл дээр үнэт цаасны төлбөр тооцоо гүйцэтгэх зорилгоор хамтран ажиллах гэрээ байгууллаа.
 

Худалдаа, хөгжлийн банк нь 2012 оны 4 сард Клирингийн үйлчилгээний тусгай зөвшөөрөл, 2014 оны 10 сарын 21-ний өдөр Санхүүгийн зохицуулах хорооноос үнэт цаасны зах ээлд Кастодианы үйл ажиллагаа эрхлэх тусгай зөвшөөрлийг авсан анхны банкуудын нэг юм. Харин “БиДиСЕК ҮЦК” ХК хөрөнгийн зах зээлийн дотоод харилцагчдын 25 хувь, гадаад харилцагчдын 56 хувьд үйлчилгээгээ хүргэдэг бөгөөд хоёр байгууллага нь хамтран ажилласнаар үнэт цаасны төлбөр тооцоо хийх банкаа харилцагч чөлөөтэй сонгох, өөрийн мөнгөн хөрөнгийг хамгийн эрсдэлгүйгээр удирдах бололцоог харилцагчиддаа олгож байна.
 

Үүний зэрэгцээ хамгийн том зээлдүүлэгч, санхүүгийн зах зээлийн мэргэжлийн оролцогч болох арилжааны банк болон хамгийн олон компаниудад үнэт цаас гаргахад андеррайтер, хөрөнгө оруулалтын зөвлөх үйлчилгээ үзүүлдэг мэргэжлийн үнэт цаасны компанийн хамтын ажиллагаа нь үндэсний үйлдвэрлэгч, аж ахуйн нэгжүүдэд олон хувилбартай санхүүжилтийн хэрэгсэл санал болгох чиглэлд цаашид хамтран ажиллах боломжийг нээх болно.
 

Энэхүү гэрээг байгуулсны ач холбогдолын талаар Худалдаа, хөгжлийн банкны Гүйцэтгэх захирлын тэргүүн орлогч О.Орхон болон “БиДиСЕК ҮЦК” ХК-ийн гүйцэтгэх захирал Д.Даянбилгүүн нар энэхүү гэрээний ач холбогдолыг "Үнэт цаасны Зах Зээлийн тухай" шинэ хуулийн дагуу Клиринг банк болон Кастодиан банкны үйлчилгээг анхлан нэвтрүүлэгч “Худалдаа, хөгжлийн банк” -аар дамжуулан авснаар “БиДиСЕК ҮЦК” ХК нь гадны, түүний дотор томоохон мэргэжлийн хөрөнгө оруулалтын сангуудыг Монголд хөрөнгө оруулалт хийлгэх боломжийг бий болгож, Монголын Хөрөнгийн Зах Зээлд томоохон түлхэц өгч хөрөнгө оруулалтын шинэ давалгааг бий болгоно гэдэгт итгэж, санал нэгтэй байгаагаа илэрхийлсэн байна.
 

“ХУДАЛДАА, ХӨГЖЛИЙН БАНК” ХХК

 

“Худалдаа хөгжлийн банк” нь Монгол улсын ууган арилжааны банк бөгөөд өнөөдрийн байдлаар 5.88 их наяд төгрөгийн активаараа банк санхүүгийн зах зээлийн 26.9% -ийг, мөн 720.24 тэрбум төгрөгийн өөрийн хөрөнгөөр зах зээлийнхээ 30.9% -ийг тус тус дангаараа бүрдүүлж байгаа Монгол улсын хамгийн том банк юм.

Монгол улсаас анх удаа ХХБ олон улсын санхүүгийн зах зээлд  2007 оноос өнөөдрийг хүртэл нийт 6-н удаа бондоо амжилттай арилжаалж, дэлхийн хэмжээний томоохон шагналуудыг хүртэж, олон улсад танигдаж, дэлхийд үнэлэгдсэн Монголын арилжааны банк болон өсөн хөгжиж байна.
 

“БиДиСЕК ҮЦК” ХК

 

“БиДиСЕК ҮЦК” ХК нь 1991 оноос хойш хөрөнгийн зах зээлд тогтвортой үйл ажиллагаа явуулж буй бөгөөд Монголын хөрөнгийн биржийн А самбарт арилжаалагддаг, ТОП 20 хувьцаат компанийн тоонд 2006 оноос хойш багтаж ирсэн бөгөөд сүүлийн 5 жилийн хугацаанд үнэт цаасны арилжааны 27-91% хүртэлхийг дангаар хийж гүйцэтгэсэн нь манай компанийн тогтвортой байдал, захиалгын хамгийн сайн гүйцэтгэгч гэдгийг илэрхийлдэг.
 

Мөн санхүүгийн тогтвортой байдал, компанийн сайн засаглал зэргээр үнэлгээ өгдөг олон улсын Global finance сэтгүүлээс манай компанийг “Best brokerage” болон “Best investment banking”-иар тус тус тодруулан өргөмжилсөн.
 

Андеррайтерын үйл ажиллагааны хүрээнд үндэсний компаниудад хөрөнгийн зах зээлээс нийт 71 тэрбум төгрөгийн санхүүжилтийг хувьцаа, хувийн хөрөнгө оруулалт, бонд болон хувьцаанд хөрвөх үнэт цаас, зээл хэлбэрүүдээр босгосон.
 

ТАНЫ ХӨРӨНГӨ ОРУУЛАЛТЫН ХӨТӨЧ
ХУДАЛДАА, ХӨГЖЛИЙН БАНК

2015-10-01